رجال-إكس: نهاية العالم (2016)

الولايات المتحدة | 144دقيقه | فيلم | ﻣﻐﺎﻣﺮاﺕ ، ﺣﺮﻛﺔ ، خيال علمي ، خيال ، خيال علمي

بعد مرور عشر سنوات على أحداث X-Men: Days of Future Past، وخلال حقبة الثمانينات من القرن العشرين، يضطر كل من البروفيسور (إكس)، (ماجنيتو) و(ميستيك) للتعاون معًا بسبب ظهور عدو جديد مشترك بينهم، وهو (أبوكاليبس) الذي يستيقظ من قبره مؤخرًا ليبدأ في القيام بتحركاته.

المواقع الرسميه:
Karohat-Movies

تعليقات

نقد

نقد لفيلم X-MEN Apocalypse اكيد مع الكم ده من الافلام هنحس بتكرار و ملل بعض الاحيان، بس المخرج “براين سينجر” بيقدر في كل جزء يقدمه في السلسله دي يعمل حاجه جديده تحمينا اكثر و تخلينا نستنا اجزاء تانيه.نتكلم عن التمثيل:“جيمس ماكوفوي” اللي بيعمل دور تشارلز اكسافيير للمره الثالثه بيؤدي الدور بمنتي السلاسه و الاتقان و عجبني تمثيله في الجزء ده اكثر من الجزئين اللي فاتوه.نفس الكلام ل”مايكل فاسبيندر” اللي دوره في الفيلم ده كام اهم و اقوي دور، و كان فيه سبب قوي يبرر افعاله و جرايمه.“جينيفر لورينس”حسيت ان فيه ابعاد لشخصيتها اكثر من الجزئين اللي فاتوه، لكن طبعا مع الوقت بنحس ان هي موجوده كدعايه للفيلم لان هي اشهر واحده في الكاست حاليا، لكن ده مينكرش ان هي ادت دورها ببراعه.بالنسبه للكاست الجديد: “صوفي تيرنير” عجبتني جدا ك”جين جراي” و ده يثبت ان هي تقدر تقدم ادوار ناجحه حتي بعد انتهاء Game of Thrones“تاي شريدان” عجني ك”سايكلوبس” ولاول مره بنشوفه كشخصيه ليها ابعاد مش مجرد واحد بيطلع شعاع من عينيه.بالنسبه للشخصيات الباقيه زي: بيست و ستورم و سايلوك عجبوني لكن مكنش ليهم مساحه كبيره انهم يبدعوه.بالنسبه للتصوير:الفيلم متصور ثري دي و ده واضح جدا، من الافلام القليله اللي حسيت ان الثري دي اضاف شئ للتجربه.الموسيقي و المونتاج عملهم فنان واحد و هو “جون اوتمان” المونتاج كان حلو، محستش ان فيه لقطه طولت اكثر من اللازم او لقطه اتقطعت و كان لازم تاخد وقت اطول، مع العلم ان المخرج اكد ان فيه مشاهد محذوفه عشان الوقت و هنشوفها علي الدي في دي لما ينزل.اما الموسيقي فكانت تحفه و اضافت كثير للفيلم، حسيت اني عايز المزيكا اكثر من مره بعد ما خرجت من الفيلم، و ده يدل علي عبقريه “جون اوتمان”.دي الايجابيات، طب ايه السلبيات ؟افلام الكوميكس مشهوره بالاشرار، لما الشرير بيكون قوي زي الجوكر مثلا بيعلي قيمه الفيلم، و لما الشرير يكون ضعيف زي ليكس لوثر في فيلم “بات مان و سوبر مان” بيقلل من الفيلم.شخصيه “ابوكاليبس” مش قويه زي الجوكر و مش بشعه زي ليكس، ببساطه كان عادي جدا، مش شخصيه نخاف منها او نتمني موتها، عاادي جدا، ود قلل من قيمه الفيلم في رأيي المتواضع.بالنسبه للنقاد:انا اتفاجئت لما عرفت رد الفعل السلبي للنقاد علي الفيلم، بس متفهم وجهه نظرهم،الفيلم ده مش لأي حد، لازم تكون شايف الافلام اللي فاتت كلها، و لازم تكون عارف الشخصيات دي كويس، و ألا مش هتستمتع بالفيلم، يعني ببساطه الفيلم ده لعشاق السلسه دي بس.7.5/10

الهوامش

رابع فيلم يخرجه برايان سينجر من هذه السلسلة.

نبذه عن العمل

يضطر البروفيسور إكس وماجنيتو وميستيك للتعاون ضد العدو المشترك (أبوكاليبس).

تفاصيل العمل

اسم العمل رجال-إكس: نهاية العالم
الاسم بالإنجليزية X-Men: Apocalypse
نطق الاسم بالإنجليزية إكس -مين:أباكيليبس
سنة الإصدار 2016
مدة العرض بالدقائق 144
حالة العمل ﺗﻢ ﻋﺮﺿﻪ
هل العمل ملون؟ نعم
تصنيف MPAA PG-13
ميزانية الفيلم 0
نوع العمل فيلم
تصنيف العمل ﻣﻐﺎﻣﺮاﺕ,ﺣﺮﻛﺔ,خيال علمي,خيال,خيال علمي
تاريخ العرض 2016
بلد الإنتاج الولايات المتحدة